साओमी १२ प्रो भित्रियो नेपाली बजारमा, मूल्य १ लाख १४ हजार

A+ A A-

साओमीले आफ्नो फ्ल्यागसिप सिरिज साओमी १२ अन्तर्गत साओमी १२ प्रो नेपाली बजारमा सार्वजनिक गरेको छ ।

प्रयोगकर्ताहरुलाई कटिङ एज भिडियोग्राफी र इन्टरटेन्मेन्ट पावरहाउसको अनुभव दिने उद्देश्यले अत्याधुनिक एआई एल्गोरिदम, फ्ल्यागसिप प्रोसेसिङ पावरका साथ यो फोनलाई बजारमा ल्याइएको हो ।

साओमी नेपालका नयाँ कन्ट्री जेनेरल म्यानेजर अमित पन्डाले नयाँ–नयाँ प्रविधि र नयाँँ–नयाँँ फिचर भएको फोन लिन चाहने उपभोक्ताका लागि हामी सधैँ टप नच टेक्नोलोजी इनोभेसन, सुप्रिम पर्फर्मेन्स र सर्वोत्कृष्ट डिजाइन युक्त डिभाइसहरु ल्याउन केन्द्रित रहेको बताए ।

कम्पनीका अनुसार साओमी १२ प्रोबाट जस्तोसुकै अवस्थामा पनि स्टुडियोमै खिचेको जस्तो फोटो खिच्न सकिन्छ, चाहे उज्यालो नपुगेको ठाउँ होस् या चलायमान कुनै दृश्य होस् ।

यसमा भएको असाधारण इन्टरटेन्मेन्ट एक्सपिरियन्सले प्रयोगकर्तालाई हरेक पल राम्रो क्वालिटीमा कैद गर्न र पछिका लागि हेर्न पनि मजा आउँछ ।

साओमी १२ प्रोको नेक्स्ट लेभल चार्जिङ स्पिड र सेफ्टी छ जसले गर्दा यसले पूरा दिन प्रो–ग्रेडको सिनेम्याटिक मनोरञ्जन प्रदान गर्न सक्छ ।

कम्पनीका अनुसार यसको डिजाइन यस्तो तरिकाले गरिएको छ कि औसत नेपालीको हातमा यो फोन आरामसँग अट्छ । त्यसैले यसलाई पोर्टेबल पकेट–साइज स्टुडियो पनि भन्न मिल्छ । यो १२ जीबी प्लस २५६ जीबीको स्टोरेजमा नीलो र बैजनी रङमा साओमीका आधिकारिक स्टोरहरुमा उपलब्ध छ ।