स्वास्थ्य अनुसन्धान परिषद् भन्छ : रूससँग भ्याक्सिन ल्याउने सहमति भएको छैन

A+ A A-

रूस र नेपालबीच कोरोना भाइरस विरुद्धको भ्याक्सिन ल्याउने सहमति भएको समाचार मंगलबार राति सार्वजनिक भयो । स्पुतनिक–५ भ्याक्सिनको २ करोड ५० लाख डोज नेपाल ल्याउने सम्झौता भएको सीएनएनको समाचारमा उल्लेख छ । त्यस समाचारमा ट्रिनिटी फर्मास्युटिकल्ससँग सम्झौता भएको उल्लेख गरिएको छ । तर यसबारे नेपाल सरकार भने अनविज्ञ छ ।

नेपाल स्वास्थ्य अनुसन्धान परिषद्का सदस्य–सचिव डा. प्रदीप ज्ञवालीसँग हामीले कुराकानी गरेका छौं ।

रूससँग भ्याक्सिन ल्याउने सहमति भएको हो ?
होइन, नेपालको आधिकारिक च्यानलबाट कुनै सहमति भएको छैन । रुसको भ्याक्सिन तेस्रो फेजको ट्रायल भएको अवस्थामा परीक्षणका लागि ल्याउने हो त्यो पनि सरकारले अनुमति दिनुपर्छ । परिषद्ले ल्याउन पाउँछ तर पनि सरकारको सहमति चाहिन्छ ।

कसले ल्याउन लागेको हो त ? परिषद्को सहमति बिना ल्याउन मिल्छ ?
केही ब्यापारीले ल्याउन लागेको होला । मैले पनि भर्खर समाचारमा थाहा पाएको हो । कसैले आन्तरिक हिसाबले कन्ट्याक्ट गरेको होला । राज्यको च्यानलबाट भएको होइन । भ्याक्सिनको विषयमा सरकारले डिसिजन गर्ने हो । सरकार, भ्याक्सिन कमिटि, सल्लाहाकार समिति र एनएचआरसीमा छलफल भएपछि निर्णय हुने कुरा हो । कसले ल्याउन लागेको हो त्यो चोरबाटो हो । रूसी नै किन ल्याउने ? चीन, अस्ट्रेलियाको पनि छ । ल्याएर सफल भएन भने को जिम्मेवार हुन्छ ?

प्रकाशित मिति: बुधबार, असोज १४, २०७७ ०५:२२