के हो ह्याकाथन ? समस्यालाई कसरी ह्याक गर्ने ?

A+ A A-

के हो ह्याकाथन ?

ह्याक भनेको क्र्याक र म्याराथन भनेको दौडनु हो । ह्याक र म्याराथन मिलेर ह्याकाथन बनेको हो । मानिसको दैनिक जीवनमा अनेकन समस्या आउँछन् । कसरी समस्या समाधान गर्ने भन्ने चिन्ता मानिसलाई हुन्छ । ती समस्यालाई कम्प्युटरमा एप बनाएर वा सफ्टवेयरको माध्यमबाट दैनिक जीवनलाई सहज बनाउनेलाई ह्याकाथन भनिन्छ ।

कम्प्युटर, एप, सफ्टवेयरको माध्यमबाट मानिसको समस्यालाई समाधान गर्नु हो । मानिसकाे समस्यालाई ह्याक गरेर निश्चित समयमा समाधान निकाल्नु हो । ह्याकाथन भनेको कम्प्युटरले ब्रेनको काम गर्नु हो ।

जस्तैः पहिले टिकट काट्न काउन्टरमै जानुपर्थ्यो । अहिले एप बनाएर घरबाटै टिकट काट्न सकिन्छ । काउन्टरमा जानु पर्दैन । काउन्टरमै जानुपर्ने समस्या समाधान भयो ।

मानिसको दिमागले के सोचेको छ भन्ने पनि थाहा पाउन सकिन्छ । पछिल्लो समय बैंक ह्याक हुन थालेको छ । ह्याक हुनबाट जोगाउन कुनै प्रविधि आविष्कार गर्न सकिन्छ ।

ह्याकाथनको इतिहास

ह्याकाथन कहाँबाट सुरु भयो भन्ने एकिन इतिहास छैन । तर, प्रविधिको विकाससँगै विभिन्न कम्पनीले सुरुवात गरेको पाइन्छ ।

कामलाई सहज र सजिलो बनाउन कम्पनीहरूले प्रयोग गरेको देखिन्छ । पछिल्लो समय कम्पनीभन्दा बाहिर पनि प्रयोगमा ल्याएको हाे । नेपालमा भने यसको इतिहास लामो छैन । १० वर्षअघिदेखि सुरुवात भएको हो ।

नेपालको पढाइ प्राक्टिकल भन्दा थ्याैरी धेरै छ । ह्याकाथन सहभागी भयो भने प्राक्टिकल हुन्छ । पढेको कुरालाई लाइफमा प्रयोग गर्न सकिन्छ । जुन विषय पढे पनि सहभागी हुन सक्छन् । बिज्नेस पढेकाले पनि समस्याकाे समाधान निकाल्न सक्छन् ।

ह्याकाथनको आवश्यकता किन ?

नेपालमा विभिन्न कलेजले ह्याकाथन प्रतियोगिता आयाेजना गर्ने गरेका छन् । नेपालको पढाइ प्राक्टिकल भन्दा थ्याैरी धेरै छ । जसका कारण दैनिक जीवनको समस्या समाधान गर्न कठिन भयो । कलेजहरूले पढाइलाई प्राक्टिकल बनाउन ह्याकाथन प्रतियोगिता गर्ने गरेको पाइन्छ ।

पढेको कुरालाई जीवनमा उतार्नका लागि ह्याकाथनको आवश्यकता छ । यही विषय पढेको भन्ने हुँदैन । जुनसुकै विषय पढेका विद्यार्थी पनि ह्याकाथनमा सहभागी हुन सक्छन् ।

के हो बर्नह्याक ?

बर्नह्याक भनेको पनि ह्याकाथन नै हो । तर, बनहार्ट कलेजले आफ्नो कलेजको नामबाट नयाँ बर्नह्याक नाम राखेको हो । बनहार्टले दुईदिने बर्नह्याक प्रतियोगिताको आयोजना गर्दै छ ।

माघ १० र ११ गते बर्नह्याक प्रतियोगिताको आयोजना गर्न लागेको हो । प्रतियोगितामा २० भन्दा बढी कलेजले सहभागिता जनाउनेछन् ।

‘प्रतियोगितामा एउटा टिममा चार जनासम्म हुन्छन्,’ बर्नह्याकका संयोजक मनिष भट्टराईले भने, ‘निश्चित समयमा आफ्नो प्रोजेक्ट बनाई सक्नुपर्छ । त्यो समयमा जसको टिम उत्कृष्ट हुन्छ, त्यो टिमलाई पुरस्कृत गरिन्छ ।’

‘हरेक विद्यार्थीसँग विभिन्न आइडिया हुन्छन् । सबैको दिमाग फरकफरक हुन्छ । नयाँ–नयाँ आइडिया जन्मन्छ । त्यसैले बर्नहार्ट कलेजले बर्नह्याकको आयोजना गरेको हो,’ उनले भने ।

उनका अनुसार बर्नह्याकका लागि जज लन्डन र भारतबाट आउनेछन् । ‘जजहरूले विद्यार्थीले तयार पारेको प्रोडक्ट हेर्नुहुन्छ,’ उनले भने, ‘जजहरूले टप फाइभ छनोट गर्नुहुन्छ । टप हुनेले बाहिर गएर प्राेजेक्ट गर्न पाउँछन् ।’

कार्यक्रमले विद्यार्थीको स्किल बढाउन, थाहा नभएको कुरा सिक्न, आइडिया सेयर, च्यालेन्ज फेस गर्न, टिममा काम गर्ने बानीको विकास गर्न सहयोग पुग्ने अपेक्षा गरिएको छ ।

प्रकाशित मिति: बिहीबार, माघ ९, २०७६ १७:३२